نص كلمة السيسي أثناء تفقده منطقة عزبة الهجانة 7/2/2021

خلوا بالكوا إن كان هنا في سور، اللي هو السور أهو، دهو، السور ده أول ما اتعمل الطريق ده، هم كسروه، كسروه ليه؟ لأنهم عايزين يعيشوا، هم عايزين يعشيوا هنا، هنا في فرصة ليهم كدة.

كل الشوارع اللي إحنا جايين عليها دلوقتي، عدا يمكن ده أكتر شارع، أعرض شارع فيهم، مايدخلش عربية، عربية إسعاف كبيرة، عربية مطافي لا قدر الله، كدة. وزي ما إنتوا شايفين حياة الناس إزاي؟

هانمشي شوية قدام كدة.

يعني إحنا هانسيبهم كدة؟ أنا بسأل سؤال.. اتفضل.. إنتوا بتتكلموا كدة على طريق واحد، لكن أنا بتكلم لو إنتوا عايزين تفتحوا، يعني مجموع الطرق مناسبة، يعني، للناس. يعني، مش هانشيل، لكن هانفتح، آه.. لكن إحنا ماعندناش حصر بعدد الوحدات السكنية قد إيه، ماعندناش، ماعندناش. على كل حال أنا بطرح ده علينا، كدولة، وكمان للرأي العام، بقوله ده الحال، لو ما انتبهناش، لو ما انتبهناش لنفسنا ونظمنا نفسينا والحكومة سبقت الناس في الطلب، يعني تلبي طلبهم في الإسكان، صدقوني الدولة كلها هاتبقى كدة. إحنا بنتكلم في 50% من مساحة الدولة كدة. يعني حد صور الخصوص؟ يا دكتور مصطفى؟ مش كدة؟ حد صور الخصوص؟

أقصى حاجة ممكن نعملها لهم إذا كنت متصور، إن إحنا نفتح مجموعة شوارع توسع على الناس، وتخلينا نقدر نوصلهم جوة، خدمات أكتر، كدة.

طيب، الناس عايشة إزاي؟ الناس هاتبقى عايشة.. طب الناس اللي هاتطلع من هنا كأطفال صغيرين، هايطلعوا عاملين إزاي؟ لأ ده تكلفة التعليم هنا عندهم أكتر من أي حتة تانية، لأن هو ماعندوش، هايمشي بابنه ده أو بنته مسافة كبيرة جدا لأقرب.. مافيش مدارس جوة كتير تحل المسألة، ماحدش عمل، مش ماحدش عمل عشان، يعني، الموضوع مش مترتب، ولو الدولة مانتبهتش، ودي الرسالة اللي أنا، أنا جيت هنا وجينا كلنا هنا عشان نوصل للناس الحكاية، الكلام في التلفزيون مش كفاية، إنما نيجي نبص نشوف الناس عايشة إزاي، وانزلوا، امشوا وسط الناس شوفوا عايشين، تحت، امشوا كدة تحت.. هم مش بني أدمين؟ طب ننزل، نشوف، ونشوف الناس دي عايشة إزاي، وبتاكل إيه وبتشرب إيه وبتتعالج إزاي؟ ولا إيه يا دكتور مصطفى؟

هو إحنا مش هانقدر نـ.. غير إن إحنا، لا أقصى حاجة ممكن نعملها لهم إذا كنت متصور، إن إحنا نفتح مجموعة شوارع توسع على الناس، وتخلينا نقدر نوصلهم جوة، خدمات أكتر، كدة، يعني، فإنتوا، لو إنتوا جيتوا النهاردة جيت قلتلي الكتلة دي، الكتلة المبنية ديت، هانعمل فيها مجموعة الشوارع ديت في أقل الأماكن ارتفاعا، وطبعا هانكون جهزنالهم بديل الناس تقعد فيه، ومافيش حل تاني يعني، لكن إذا كان العدد حتى 200 ألف شقة، طب ما، ده ضخم جدا.

أنا حبيت، حبيت، يعني إن إحنا نعيش مع الناس حجم المشكلة، عشان إحنا دايما بنتكلم عليها وبنقول في عشوائيات والناس إيه، يعني، مش عارفة إن ال، اللي إحنا بنتكلم فيه هو إزاي، أولا نوقف ده، ثم نعالجة، نوقف الأول يبقى إحنا لازم، إحنا كحكومة نوفر طلب الناس، مش بس طلب الناس بقدراتهم الاقتصادية، يعني هنا الإيجار 800 لـ1000، هنا الإيجار من 800 لـ1000، طيب، ده إنت عايز توفر حاجة يبقى ده القسط بتاعها، مش كدة؟ ولا إيه يا إيهاب؟ مش إنتوا متعايشين مع الناس أكتر؟

دكتورة هالة رأيك إيه؟ طب إنتوا يا دكتور مصطفى لازم تحطوا في الموازنة احتياطي مناسب، احتياطي مناسب يا دكتورة لصالح الموضوع يعني، عشان، مش كدة ولا إيه؟ أنا بس عايز أخلي الحياة مناسبة، شوارع نمشي فيها، ما أمكن، واخد بالك؟ إنت لو مشيت جنب السور ده، هاتجد نفسك على ارتفاع حوالي 8-9 متر من ناس تحت، اللي هو الشارع اللي تحت، مش ممكن. ثم الشوارع عرض إيه، مترين تلاتة، هو الشارع اللي إحنا وقفنا قدام منه كان أكتر حاجة، أكتر حاجة، والباقي كدة. فأنا عشان أشيل، أعمل، أفتح محور أو اتنين أو تلاتة. إحنا عايزين نفرق مابين إن إحنا نوفر طلب، وإن إحنا نحل مسألة، إحنا بنحل مسألة، مش كدة؟ المهم إن إحنا بس نيجي نبص ونشوف بنفسنا

ألقيت الكلمة بمنطقة عزبة الهجانة، شرق القاهرة، بحضور الدكتور مصطفى مدبولي، رئيس مجلس الوزراء، واللواء إيهاب الفار، رئيس الهيئة الهندسية للقوات المسلحة، وعدد من الوزراء.

خدمة الخطابات الكاملة للسيسي تجدونها في هذا الرابط