جانب من اللقاء- الصورة: صفحة المتحدث باسم رئاسة الجمهورية

نص مداخلة السيسي خلال الندوة التثقيفية للقوات المسلحة بمناسبة يوم الشهيد 9/3/2021

إديني دقيقة لو سمحت...

بسم الله الرحمن الرحيم،

أنا مش هاطيل عليكم، وعارف إنتوا منظمين البرنامج بتاعكم. لكن أنا عايز أقول إحنا كلنا متأثرين بالموقف، متأثرين بكلام كل أسرة شهيد بتتكلم تقول، وآلامهم إحنا مش هانقدر، مها عملنا، نخفف عنهم.

لكن أنا عايز أقولكم حاجة واحدة.. أنا أتصور إن سيرة الشهيد بتقولنا حاجة واحدة بس، وهاتلاقوني بكررها كتير.. خلي بالكوا من بلدكوا. الناس دي راحت عند ربنا سبحانه وتعالى، وقدمت دمها، عشان إحنا البلد دي تعيش. تعيش بخير. أصحابها وأهلها اللي هم إحنا، اللي موجودين، يكبروها، ويعلوها، ويحافظوا عليها، ومايخربوهاش. وإلا يبقى كل.. كل تضحية اتقدمت، من سبع سنين أو تمن سنين دلوقتي، تبقى ماكانتش في مكانها.

لما طلبتوا تغيير الواقع اللي كان موجود، إحنا قلنا إن.. فوضونا في مكافحة الإرهاب، والناس ماكانتش، يعني، مقدرة إن إحنا بالإجراء اللي اتعمل في 2013 هايكون تمنه كبير قوي على شعب مصر.

شعب مصر؛ ماهو الجيش شعب مصر، والشرطة شعب مصر، وكل إنسان بيضحي من أجلها، من مصر، من شعبها.

فـ... أنا أتصور إن العنوان والرسالة اللي أنا ممكن كإنسان مصري أتلقاها من... من سيرة الشهيد، والمصاب كمان، إنه التمن ده، اللي هو دم وروح، قُدِّم عشان الدولة دي تبقى دولة، يبقى ماحدش أبدا يتصور إنه ممكن في سبب يخليه يعني يضيع الدولة. شكرًا جزيلًا. (تصفيق)


ألقيت الكلمة في القاهرة الجديدة بمركز المنارة في التجمع الخامس، بحضور عدد من الوزراء وأسر الشهداء.


خدمة الخطابات الكاملة للسيسي تجدونها في هذا الرابط