السيسي أثناء لقائه عددًا من المواطنين أثناء تفقده المحاور والطرق في شرق القاهرة

نص كلمة السيسي أثناء تفقده أعمال تطوير عدد من المحاور والطرق الجديدة 28/5/2021


بص يا محمد.. الشارع ده.. دي حديقة.. قدامها شارع وشارع.. ودي حديقة.. قدامها شارع وشارع.. لو سمحت، دول 4 هنا، 4 هنا، 4 هنا... يتعملوا.. نفس الكلام لهنا.. مافيش مكان الناس تمشي فيه.. آدي حاجة.

الحاجة التانية، إنتو عملتوا شارع، حتى بتاع عبد الحميد بدوي اللي إحنا ماشيين عليه أنا فوجئت إن الرصيف الجنب اليمين كله عايز يترفع كفاءته، طب ماتعملوه. مادام عملنا شارع، نخرج منه من أوله لآخره، بحيث إن أنا أخرج من الشارع ده إيه؟ يمين وشمال والـ.. الأرصفة بتاعته كله خلصان.. مرة واحدة بقى... متشكرين.


مواطنة: يكفيك شر المرض.

السيسي: ازيك يا ستي؟

مواطنة: ويعلي منك..

السيسي: ازاي صحتك؟

مواطنة:وتبقى رئيسنا طول العمر.

السيسي: كل سنة وإنتي طيبة.

مواطنة:وانت طيب... وينصرك ويفاديك..

السيسي: طمنيني..

مواطنة:أنا عندي 63 سنة..

السيسي: ربنا يديكي الصحة.

مواطنة:عايزة تركيب عين..

السيسي: عيني.. عيني.

مواطنة:وفي رجلي 25 مسمار..

السيسي: عيني..

مواطنة: ماخدتش ولا عربية.. (يضحك الرئيس) تبع المعوقين.. وعليا.. وعليا إيجار.. إيجار..

السيسي: حاضر حاضر..

مواطنة: للشقة، ياريتك تخلصني إيجارها..

السيسي: حاضر حاضر..

مواطنة: لأن دي مش باسمي، الشقة أنا شارياها، من نبوية السيد، ده العنوان بتاعها..

السيسي: حاضر حاضر.. إيه تاني؟

مواطنة: وسلامتك، إنت حبيبنا ومالناش إلا إنت.

السيسي: كتر خيرك.

مواطنة: وطول عمري إن أنا نفسي أشوفك.

السيسي: وأنا سعيد إن أنا شوفتك والله.

مواطنة: الله يراضيك الله يباركلك الله يكفيك شر المرض.

السيسي: الله يديكي الصحة، مش عايزة حاجة تاني؟

مواطنة: عايزاك تخلصلي إيجار الشقة.

السيسي: كل الل إنتي عايزاه.

مواطنة: وعايزاك تعملي عيني وتجيبلي عربية، مش بقدر امشي.

السيسي: حاضر حاضر..

مواطنة: أتصور معاك بقى..

السيسي: ما إحنا متصورين أهو..

مواطنة: (تنظر إى الكاميرا) اتصورنا؟

السيسي: آه (يبتسم الرئيس)

مواطنة: (تضحك) ربنا يبارك فيك ويكفيك شر المرض.

السيسي: سلام عليكو.


ألقيت الكلمة بشرق القاهرة، بحضور عدد من المواطنين الذين تصادف وجودهم أثناء الجولة التفقدية.


خدمة الخطابات الكاملة للسيسي تجدونها في هذا الرابط